Yi chuan
Yi Chuan barne-arte martziala da, meditazio eta osasun alderdiak dituena. Zutik, mugimenduan, eserita edo etzanda egin daiteke.
Yi Chuanaren onura medikoak asko aztertu dira Txinan, Japonian eta Europan.
Yi Chuan barne-energiarekin (Chi Kung) eta barne-indarraren garapenarekin (Nei Jing) lan egiteko metodo oso bat da.
Lanaren oinarria Zhang Zhuan da (normalean zutik egindako postura meditatiboa); ariketa honek gorputzaren biomekanika sotilak ezagutzen laguntzen digu, edo, maila aurreratuagoetan, gure alderdi energetikoak garatu eta orekatzen ditu.
Zhang Zhuanaz gain, mugimenduaren kontzientzia, indar erlaxatua (Shely) edo pauso eta desplazamendu bereziak (Mocapu) ere lantzen dira.
Azkenik, binakako lanari ekiten zaio. Bikoteak kideari entzutea eta harekiko sentiberatasuna garatzea du helburu, elementu martzialak garatuz eta aplikatuz.
Lantzen diren alderdiak:
• Energia-maila erregulatzea.
• Jarrera-ohitura txarrak zuzentzea.
• Giharrak indartzea.
• Gogo sendo eta tinkoa garatzea, intentzioz.
• Kontzentrazio mentala orekatzea.
• Gorputzak berak dituen errekuperazio-mekanismoak berrezartzea.
• Arnasketa natural bat modu egokian oxigenatzeko, odol-zirkulazioa aktibatuz.
Kontaktuzko lana
Yi chuanak bakarkako lana lehenesten du, baina arte martziala izanik, ez ditu bikoteka egindako ariketak baztertzen. Hauen artean garrantzitsuena Thui Shou edo esku bultzada da.
Ariketa honen bidez, gure praktikan lortzen joan garen guztia testatzen dugu.
Harreman-lan hori jolas atsegina da, eta arreta, entzutea, gure kidearen mugimenduen pertzepzio kontzientea eta beste gaitasun batzuk nagusitzen dira. Horiek pixkanaka hartuko ditugu, gure trebetasuna hobetzen doan heinean.
Gainera, Thui Shou-ak gure diziplina hobeto ulertzen lagunduko du, modu dibertigarri eta alaian.
Azken finean, kontaktuak Yi Chuan aren artea osatzen eta aberasten digu.
Ordutegia:
